21. EGUNA (2017-11-03)

Praktiketako azken eguna iritsi da eta egia esanda pena handiarekin joan naiz gaur ikastolara. Badakit etxetik gertu dudala eta nahi dudanean bisitatzera joan naitekeela baina ez da berdina. Aste hauek oso azkar bukatu egin dira, eta gauza pilo bat ikasi dut Josurekin. Egia esanda ez nituen pentsatzen gauza asko egin ditut. Azkenean praktiketan egon naiz eta ikasleak haien tutorea zuten, guztiak ondo ezagutu ditudanerako joateko ordua iritsi da eta gustatuko litzaidake denbora gehiago gelditzea ikusteko nola eboluzionatzen duten ikasturtean zehar. Josurekin klasea aurrera eramateko jarraibide asko ikasi ditut beste batzuetan aipatu ditudan bezala baliagarriak iruditu zaizkit eta gogoratuko naiz iraganean erabiltzeko.

Gaurko lehenengo orduan txanelako gai berriarekin jarraitu dugu. Honekin batera beste lan bat egin dugu. Bakoitzak erabaki du Gasteizko toki bat, haiei interesatzen zaiena eta honi buruzko fitxa bat bete dugu esanez non dagoen, zer den eta honen inguruko informazioa gehitu dute fitxan. Haien kokatzeko eta beste leku batzuk ezagutzeko ondo egon da gainera Josuk Gasteizko toreroa egin du adibide bezala eta badirudi ariketa gustatu zaiela oso erne egon dira emandako azalpenekin.

Bigarren orduan matematika izan dugu baina saioa lehenago bukatu dugu lau hilabete honetan igerilekura doazelako eta denbora gehiago behar dute. Izan dugun denboran matematikako problemen fitxa zuzentzeko denbora eman digu. Josuk zuzendu egin ditu eta 8 ariketetatik zenbat egin dituzten ondo ipini die haiek jakiteko zer eta nola egin dituzten ariketak.

Dramatizazioa izan dugu jolasordu osten eta hemen berriro euskararen egunerako jarduerak edo ekintzak prestatu ditugu. Txisteak kontatu dituzte, antzerki txiki bat prestatu dugu ezkontza bat izango balitz bezala, abestiak abestu ditugu… Josuk oso bideragarriak egiten ditu klaseak eta gauza asko dakienez ikasleei transmititzen die eta hauek adi egoten dira eta denborarekin, esan ziena gogoratzen dute eta 3.mailan egoteko gauza asko dakizkite.

Arratsaldean, gaztelera ematera bueltatu gara 3.mailara baina oraingoan Peliton eta Luci bezala. Diktaketa berri bat egin dugu, oraingo honetan ez dugu arbelean ezer idatzi. 3 esaldi ziren eta bakoitza 3 aldiz errepikatu dugu. Ondoren arbelean idatziko bagenu bezala baina airean esaldia idatzi dugu haiek konturatzeko “v”-taz, “h”-taz, tildeak, puntuak…

Nahiko ondo atera da ariketa mota hau nahiz eta lehenengo aldia izan. Ikasteko beste modu bat da eta azkenean 3.mailan daudenez, gaztelania ematen duten lehenengo urtea da eta nahiz eta etxean ia gehiekon hizkuntza hau hitz egin idaztea eta euskararekin dauden berezitasunak jakitea kostatzen zaie, baina pixkanaka lortzen ari dira oinarrizko kontzeptuak.

Ordua bukatu baino 5 minutu lehenago Pelitoni eskatu diot ea istorio txiki bat kontatu ahal nuen eta txikia nintzenean erakutsi zidatena adierazi diet. Itsatsontzi baten istorioa da, paperez egina, non apurtzen doa eta azkenean kamiseta bat gelditzen da. Asko gustatu zaie eta jarraian saiatu dira haiek egiten. Oso pozik joan naiz eta bukatzeko chupa-chups batuk banatu dizkiet eta pilo bat eskertu didate.

Azkenengo ordua iritsi da, praktikak bukatzear zeuden eta ostiralero bezala libre utzi die Josuk lana aurreratzeko edo irakurtzeko. Askok denbora hori erabili dute niri marrazkiak egiteko eta guttunak idazteko. Ordua bukatu denean eman dizkidate eta ilusio handia egin dit, horrelako gomutapenak izatea ilusioa egin dit. Hauei ere chupa-chupasak banatu dizkiet eta eskerrak eta besarkada asko eman dizkidate. Horregatik poz-pozik joan naiz etxera eta praktikak oso ondo bukatu ditut.