2. EGUNA (2017/10/03)

Josuk lehenengo orduan ez zuen klaserik orduan irakasle gelan ibili gara matematikako fitxa batzuk zuzentzen eta ikastetxeko hainbat esparru erakutsi dizkit. Inprimategi gelara joan gara eta emaitza batzuen fotokopiak egin behar zituela aprobetxatuz azaldu egin dit nola erabiltzen dute eta zertarako.

Bigarren orduan txanelan plano batean agertzen ziren hainbat ezaugarri kontuan hartuta sailkatzeko moduak adierazi ditut eta parte hartu egin dut gelan, Josu eseri da eta aurrean utzi dit azalpenak ematen eta egindakoa arbelean zuzentzen. Aldi berean, ulertzen ez zutena azaldu egin diet eta oso gustura sentitu naiz.

Patio ostean gaztelaniara joan gara Peliton (Josu) eta Luci (Aintzane) eta hemen diktaketa bat egin diet. Josu berriro ere utzi dit azalpenak ematen eta guztiak isiltzea pixkat kostatu egin zait baina azkenean lortu dut eta diktaketarekin hasi naiz.

10 hitz ziren, bakoitza hiru aldiz errepikatuta eta hamarrak bukatzerakoan zerrenda osoa irakurri diet hitzen bat faltaz gero gehitu ahal izateko.

Orduak berreskuratzeko ikastolan gelditu naiz eguerdian eta beste lan batzuk aurreratu ditugu, azaldu dit beste irakasgaietan erabiltzen dituzten teknikak, etab.

Nahiz eta hainbat proiektu izan oraindik proiektoreak gelan ez dituztenez guztia arbelean idatziz egin behar dugu baina bideoak eta beste gauza batzuk egin nahi ditu eta azaldu dizkit nola egin, zer erabili, zein den helburua…