17. EGUNA (2017-10-27)

Azterketa eguna da eta gelara oso urduri sartu dira, galdezka erraza izango zen ala ez, zenbat galdera egongo ziren. Normala zen zeren haien lehenengo azterketa zen eta beti “azterketa” hitza zerbait txarra dela entzun eta esan digute. Azaldu diegu azterketa oso erraza izango zela, lasai hartzeko eta bakarrik zela froga bat ohitura hartzeko eta banakako lana egiteko. Beti bosnaka eserita daude gelan eta mahaiak banan-banan ipini ditugu. Aldaketa hau ere erreakzioak izan ditu baina azterketa banatu zaienetik nahiko ondo ibili dira.

Kexa pilo zituzten eta denbora guztian zeuden Josu eta niri deitzen ibili dira zerbait galdetzeko, ez zeuden ziur jartzen zituzten gauzekin baina eskatzen zaiena primeran badakite.

Beranduago hasi garenez, matematikako ordua ere utzi zaie hau egiteko eta bertan egon gara denbora hori guztiak bukatu dutenerarte. Batzuk azkar bukatu dute eta birpasatzeko esan diet baina denbora soberan zegoenez, ohitura on bat daukate, mahai azpian duten liburua hartu eta irakurtzera ekin diote. Besteak bitartean azterketako 9 galderak bukatzen zeuden.

Jolas-orduaren ostean, dramatizazioa izan dugu eta egia esanda ordua berehala pasatu egin zaigu. Josuk klaseak emateko dinamikak asko gustatzen zaizkit eta irakasle izango naizenerako gordetzen ditut. Txisteak kontatzen ibili gara, bereziki, euskararen egunerako prestatu behar dute 5 minututan egiteko zerbait eta txisteak ea nola kontatzen dituzten ikusten ibili gara. Josuk ere txiste asko kontatu ditu eta irakasle izateko berak duen humorea izatea ezinbestekoa dela uste dut, azkenean ez da bakarrik materia ematea baizik eta ikasleak ondo sentiaraztea eta konfiantzazko harremana izatea.

Arratsaldean, gaztelera izan dugu 3.mailan eta hemen diktaketa bat egin diegu. Kasu honetan arbelean testu bat idatzi dugu hainbat akatsekin “h”, “ch”, letra larriz idatzi beharreko hitzak, etab. zuzentzeko. Ondoren lan kuadrnoko fitxa bat egin dute non testu batetik hainbat hitz atera behar zuten esakatzen zitzaien izkiekin “gu”, “ga”, “gue”…

Astea bukatzeko gure gelara joan gara eta txanela geneukan baina ostiraletan bezala, azken ordua denez denbora libre utzi diegu atzeratuta zituzten gauzak egiteko, irakurtzeko eta horrelako lanak egiteko. Bitartean Josurekin egon naiz hizketan azterketa ebaluatzeko erabiliko zituzten baremoen inguruan etab. Bestetik ere azaldu dit azterketen helburua eta zer bilatzen da egiten duten lan bakoitzean.