1.EGUNA (2017/10/02)

Gaur gogo eta ilusio handiarekin esnatu naiz. Gogoak hain handiak direnez eta ikastola ezagutzen ez dudanez, praktiketako ikastetxera (Armentia ikastola) goiz iristea erabaki dut. Han, Roke bilatu dut esan zidatenez Armentia ikastolaren barnean gure praktiketako koordinatzailea delako.

Rokerekin nengoela, irakasle gelara eraman nau eta nire tutorea aurkeztu dit. Nire tutorea, Josu Suarez da eta lehen unetik ni laguntzeko prest egon da eta hori segurtasuna ematen dit. Bigarren zikloan burutuko nituela praktikak esan dit, 3.mailan hain zuzen ere. Klaseak hasi baino lehen funtzionamendua azaldu egin dit eta aldi berea, egun horretan egingo genuena ere esan dit.

Lehenengo egun hau oso interesgarria iruditu zait, lehenengo momentutik lagundu dut klasea ematen eta oso gustura egon naiz Josurekin eta klasearekin. Egia esanda, inoiz ez naiz lehen hezkuntzako klase batean egon eta pentsatzen nuen baino gehigo gustatu egin zait.

Gaurko lehenengo ikasgaia “Gaztelania” izan da. Klasea hasi baino lehen Josuk azaldu dit ikastolako funtzionamendua.

Ikastola honetan, irakasle bakoitzak ematen dituen irakasgaien arabera hizkuntza bat edo bestea bakarrik hitz egiten du, Hau da, ingeleseko irakaslea bakarrik ingelesez egiten du. Kasu honetan, Josu 3.D-ko tutorea da eta ematen dituen irakasgaiak euskaraz dira. Gaztelania beste klase batzuetan ematen du, 3. mailako beste klase batean eta 5. mailako batean.

Lehen aipatu bezala, euskaraz bakarrik egiten du eta rolak aldatzeko mozorrotu egiten dira irakasleak beste hizkuntzatan klaseak eman behar dituztenean.

Horregatik, lehenengo orduan mozorrotzea tokatu zait eta nire izena Luci izatea aukeratu dut gaztelaniako klaseetarako.

Dinamika hau oso ona iruditu zait, bideragarria gainera. Azkenean irakasleak mozorrotzen dira txanoekin, betaurrekoekin, lepokoekin, etab. eta izenaz aldatzen dira.

Berriak ematen ari dira eta bakoitzak berri bat eraman behar du eta klasean azaldu, besteak aurretik galderak egiten diote kontalariari jakiteko zerezkoa den albistea. (Non?, Noiz?, Zer?, Nork?...).

Konturatu naiz ikasleek bere sexu berdineko lagunak hautatzen dituztela gehienetan. Ikasleak bosnaka eserita daude eta ia beti neskak neskekin eta mutilak mutilekin eserita daude.

Ariketak bukatzen dituztenean eta andereñoak edo nik hauek zuzentzen ditugunean bakoitzak bere mahai azpitik ateratzen dute irakurtzen ari diren liburua eta banaka irakurtzen dute.

Ondoren, gure gelara bueltatu gara eta berriz Josu eta Aintzane izan gara, eta txanela izan dugu. Txanelako klasean, planoaren eta maparen arteko ezberdintasunak aurkitu ditugu eta haiek zuten plano batetik hainbat ezaugarri atera dituzte arbelean idazten nituen bitartean. (Zerbitzuak, plazak, kaleak, parkeak…).

Errekreoan frontoian egon naiz haurrekin hitz egiten eta jolasten eta berriro ere neskak neskekin eta mutilak mutilekin jolasten dutela ikusi dut. Eta baita ere ikusi dut patioaren antolaketa, bereziki gaur euria egin duenez frontoian aritu dira 5. eta 6. mailakoak. Beste zikloak aldiz, beste toki bat zuten jolasteko. (2. ziklokoak esaterako ikastolako pasabide batean ibili dira).

Arratsaldean, matematika izan dugu eta hemen biderketekin ibili gara. Biderketak bakarka egin dituzte hauek ondo egitenez gero marrazki bat ateratzen zaie. Egiten zituzten bitartean Josu eta biok buelta batzuk eman ditugu ikusteko guztiok egiten ari zituzten ala ez. Bukatzeko, guztion artean zuzendu ditugu arbelean eta kexak argitu egin ditugu.

Eguna bukatzeko tutoretza  izan dugu Josurekin. Tutoretzan, bakoitzak bere zalantzak edo ikastolako arazoak besteekin partekatzen ditu eta guztion artean konponbideak bilatzen saiatzen dira. Gai hau argitzerakoan, bakoitzak denbora librea izan du etxeko lanak egiteko edo liburua irakurtzeko.